अप्रतिम निसर्गसौंदर्य आणि ऍक्शन थ्रिलरने भरलेला चित्रपट.. ही अभिनेत्री साकारणार मुख्य भूमिका

साधारण दोन वर्षांपूर्वी फांजर या आगामी चित्रपटाचा टिझर लॉन्च झाला होता. टिझरमधूनच हा चित्रपट ऍक्शन थ्रिलर आणि भन्नाट लव्हस्टोरी असणारा असावा इतका तो भारदस्त वाटत होता. दाक्षिणात्य बाज, अप्रतिम निसर्गसौंदर्य तसेच अविस्मरणीय संगीताची साथ यामुळेच हा चित्रपट टिझरमध्ये अधिक उठावदार जाणवला. गेल्या दोन वर्षांपासून चित्रपटाची उत्सुकता ताणून धरलेल्या फांजर या चित्रपटाचा ट्रेलर नुकताच पाहायला मिळाला. या चित्रपटातून तुझ्यात जीव रंगला मालिका अभिनेत्री माधुरी पवार प्रथमच मोठ्या पडद्यावर झळकणार आहे. फांजर हा माधुरीचा पहिला चित्रपट आहे. याअगोदर माधुरीने नृत्य कलेतून विविध रिऍलिटी शोमध्ये पार्टीसिपेट केले होते.

तुझ्यात जीव रंगला या मालिकेतून ती नंदिता वहिनींची भूमिका साकारताना दिसली होती. माधुरी पवार फांजर चित्रपटात एका डॅशिंग इन्स्पेक्टरच्या भूमिकेत पाहायला मिळत आहे. झी युवा वरील अप्सरा आली या रिऍलिटी शोमध्ये माधुरीने सहभाग घेतला होता. या शोची ती विजेती ठरली होती. तर सुरसपाटा, ऍटमगिरी, बोभाटा, यारी दोस्ती, रे राया या गाजलेल्या चित्रपटातून चमकलेला हंसराज जगताप फांजर चित्रपटात मुख्य भूमिकेत दिसणार आहे. हा चित्रपट एक  प्रेमकहाणी, ऍक्शन थरार, जबरदस्त कॉमेडी आणि सस्पेन्स थ्रिलर ने परिपूर्ण असणार आहे. सांगोला तालुक्यातील लेखक, दिग्दर्शक आणि निर्माते असलेल्या देवदत्त धांडोरे यांची ही अप्रतिम कलाकृती आहे. तर प्रसिद्ध संगीतकार पी शंकरम यांनी या चित्रपटाला अप्रतिम संगीत दिलेलं आहे.

विशेष म्हणजे या चित्रपटाचे चित्रीकरण महाराष्ट्राबाहेर करण्यात आले आहे. चित्रपटाच्या टिझरमधूनच अप्रतिम निसर्गसौंदर्य दर्शन घडते. देवदत्त धांडोरे आणि विलास चंदनशिवे यांनी या चित्रपटाची निर्मिती केली आहे. आज माधुरी पवार हिचा वाढदिवस आहे. तिच्या वाढदिवसाचे औचित्य साधून चित्रपटाच्या टीमने फांजर या चित्रपटाचा टिझर प्रेक्षकांसमोर आणला आहे त्यामुळे माधुरीसाठी आजचा दिवस खूपच खास ठरला आहे. चित्रपटातील महिला इन्स्पेक्टरची तिची डॅशिंग भूमिका प्रेक्षकांना आवडली आहे. तशा स्वरूपाच्या प्रतिक्रिया तिला मिळत आहेत. फांजर चित्रपटाच्या प्रदर्शनाची तारीख अजून निश्चित करण्यात आली नाही. मात्र येत्या काही दिवसातच ही तारीख जाहीर करण्यात येईल असे बोलले जात आहे.