ऐतिहासिक मालिकेतील मराठमोळ्या अभिनेत्रीचा झाला साखरपुडा

दख्खनचा राजा ज्योतिबा मालिका फेम अभिनेत्री सई कल्याणकर हिचा नुकताच साखरपुडा संपन्न झाला आहे. व्यवसायाने डॉक्टर असलेल्या प्रशांत शिवराम चव्हाण यांच्याशी तिने साखरपुडा केला आहे. डॉ प्रशांत चव्हाण यांनी नॅनो केमिस्ट्री विषयातून पीएचडी केली आहे. सई आणि प्रशांतच्या या साखरपुड्याला मोजक्याच मित्रमंडळींना आमंत्रित करण्यात आले होते. सई कल्याणकर हिने महेश किठारे यांची निर्मिती असलेल्या दख्खनचा राजा ज्योतिबा या मालिकेतून ‘चोपडाईची’ भूमिका साकारली होती.

या मालिके व्यतिरिक्त सई कल्याणकर आणखी काही मालिकेतून प्रेक्षकांसमोर आली आहे. सई कल्याणकर हिने अंकुश चौधरी याच्या झकास चित्रपटातून तिने मोठ्या पडद्यावर पदार्पण केले होते. शाळेत असताना सईने नाट्य स्पर्धेतून सहभाग घेतला होता. शिवाय ती एक उत्कृष्ट नृत्यांगना असून भरतनाट्यम मध्ये विशारद प्राप्त केली आहे. महाविद्यालयीन आणि आंतरमहाविद्यालयीन नाट्यस्पर्धां एकांकिक तिने गाजवल्या होत्या. झकास चित्रपटानंतर सईने आशियाना चित्रपटात देखील महत्वाची भूमिका निभावली होती. स्टार प्रवाहवरील तुझे नि माझे घर श्रीमंताचं या मालिकेतून तिने छोट्या पडद्यावर पदार्पण केले होते. झी युवा वाहिनीवरील फ्रेशर्स ही मालिका तसेच कलर्स मराठी वरील गणपती बाप्पा मोरया या अध्यात्मिक मालिकेतून सई ने सिद्धी ची भूमिका निभावली होती. आपल्या सहजसुंदर अभिनयातून तिने साकारलेली सिद्धी प्रेक्षकांना खूपच भावली होती. भेटी लागी जिवा या लोकप्रिय मालिकेतून देखील सईने महत्वाची भूमिका साकारलेली पाहायला मिळाली.

अथर्व निर्मित आणि संतोष पवार दिग्दर्शित आम्ही पाचपुते या व्यावसायिक नाटकात सईने महत्वाचे पात्र निभावले होते. नाटक आणि मालिका सृष्टीत झळकत असताना अनेक मोठमोठ्या कलाकारांसोबत सईला अभिनयाची संधी मिळत गेली. दख्खनचा राजा ज्योतिबा या मालिकेत तिला विशाल निकम  सोबत मुख्य भूमिका साकारण्यास मिळाली. ही मालिका अनेक अडथळे पार करत प्रेक्षकांच्या समोर आली, काही काळ ही मालिका प्रेक्षकांचे मनोरंजन करण्यास समर्थ ठरली मात्र अल्पावधीतच या मालिकेला निरोप घ्यावा लागला होता.