मराठी सृष्टीतील हा अभिनेता झाला विवाहबद्ध.. शुभेच्छांचा होतोय वर्षाव

मराठी सृष्टीत सध्या अनेक सेलिब्रिटींची लग्नसराई सुरू आहे. महाराष्ट्रातील अनेक तरुणांची क्रश असणारी हृता दुर्गुळे हिचा देखील लवकरच साखरपुडा होणार आहे. काल तिने ह्या खास सोहळ्यासाठी आपल्या हातावर मेहेंदी सजवली होती. मराठी चित्रपट अभिनेता सुयोग गोऱ्हे हा देखील नुकताच विवाहबंधनात अडकला आहे. लग्नसोहळ्याचा खास व्हिडीओ त्याने सोशल मीडियावर शेअर केला आहे. सुयोग गोऱ्हे हा त्याची गर्लफ्रेंड नेहा शिंदे हिच्यासोबत विवाहबद्ध झाला आहे.

सुयोगला आणि नेहाला रसिक प्रेक्षकांकडून भरघोस शुभेच्छा मिळताना दिसत आहेत. सुयोग गोऱ्हे हा मराठी चित्रपटात नायक तर कधी सहाय्यक भूमिका साकारताना दिसला आहे. सुयोग उत्कृष्ट अभिनेता तर आहेच शिवाय पेशाने तो डॉक्टर देखील आहे. सुयोग हा मूळचा नाशिकचा. आर वाय के कॉलेजमधून त्याने शिक्षण घेतले असून, मोतीवाला होमिओपॅथी मेडिकल कॉलेजमधून त्याने होमिओपॅथी फिजिशियनची पदवी प्राप्त केली आहे. कॉलेजमध्ये असताना सुयश आणि त्याचे मित्र बाईक आणि कार स्टंट करायचे. एकदा असाच स्टंट करत असताना तो स्टंट त्याच्या जीवावर बेतला असता, त्या घटनेतून तो थोडक्यात बचावला होता. तेव्हापासून असे स्टंट कधीच करायचे नाहीत असा निश्चय केला. आर वाय के कॉलेजला असताना सिद्धार्थ चांदेकरच्या एका चित्रपटात स्पॉटबॉय म्हणून त्याला काम करण्याची संधी मिळाली होती.

पुढे बसस्टॉप या चित्रपटात त्याच्याबरोबर अभिनयाची संधी मिळाली. मेडिकल कॉलेजमध्ये असताना सांस्कृतिक कार्यक्रमातून नृत्यस्पर्धा, नाटकं, विनोदी स्कीट्स मधून तो सहभागी होऊ लागला. शेंटिमेंटल, सातारचा सलमान, सिनिअर सिटीझन, अनान, गर्लफ्रेंड, कृतांत, आम्ही बेफिकर अशा चित्रपटातून तो प्रेक्षकांच्या भेटीला येत राहिला. स्पेशल या आगामी चित्रपटात तो मुख्य भूमिकेत दिसणार आहे. या चित्रपटाचे पोस्टर काही वर्षांपूर्वी प्रसिद्ध करण्यात आले होते त्यात सुयोग गोऱ्हे हा भारतीय जवानाच्या भूमिकेत पाहायला मिळाला होता. मात्र हा चित्रपट कधी प्रदर्शित होणार हे अजून गुलदस्त्यात आहे. तूर्तास सुयोग गोऱ्हे हा आज विवाहबंधनात अडकला आहे. सुयोगला आणि नेहाला या वावाहिक जीवनाच्या खूप खूप शुभेच्छा…