मराठी सृष्टीतील हा प्रसिद्ध अभिनेता दुसऱ्यांदा अडकतोय विवाहबंधनात.. पहा हळदीचे खास फोटो

हिंदी सृष्टीप्रमाणे मराठी सृष्टीतील अनेक सेलिब्रिटींनी वर्षाच्या अखेर लग्नगाठ बांधली आहे. अभिनेता विजय आंदळकर हा देखील आता लवकरच विवाहबद्ध होत आहे. वर्तुळ, स्वराज्यरक्षक संभाजी, बाजीराव मस्तानी, ७०२ दीक्षित, मिस्टर अँड मिसेस सदाचारी, गोठ, प्रेमा तुझा रंग कसा या चित्रपट आणि मालिकेतून तो महत्वाच्या भूमिका साकारताना दिसला होता. बहुतेक चित्रपट आणि मालिकेतून तो विरोधी भूमिका देखील साकारताना दिसला होता.

लग्नाची वाईफ वेडिंगची बायकू या झी मराठी वरील मालिकेत काम करत असताना अभिनेत्री रुपाली झनकर हिच्याशी त्याचे प्रेम जुळून आले होते. त्यानंतर २१ एप्रिल २०२१ रोजी त्यांनी एंगेजमेंट करून चाहत्यांना धक्का दिला होता. कारण विजय आंदळकरचे अभिनेत्री पूजा पुरंदरेसोबत अगोदरच लग्न झाले होते. २०१७ साली पूजा पुरंदरे आणि विजय आंदळकर यांनी मोठ्या थाटात लग्न केले होते. मात्र त्यांचा घटस्फोट झाल्याने अनेक प्रेक्षकांना मोठा धक्का बसला होता. पूजा पुरंदरेने सुंदरा मनामध्ये भरली या मालिकेत कामिनीची भूमिका साकारली आहे. याशिवाय देवयानी, नकुशी, लक्ष्य, किती सांगायचंय मला अशा मालिकेतून ती प्रेक्षकांसमोर आली आहे. विजय आंदळकर आणि रुपाली झनकार हे दोघेही आज लग्न करत आहेत.

लग्नसोहळ्याची लगबग सुरू झाली असून दोन दिवसांपूर्वी मेहेंदीचा सोहळा पार पडला आणि काल त्यांची हळद सेरेमनी पार पडली. हळदी चे फोटो रूपालीने नुकतेच इन्स्टाग्रामवर शेअर केले आहेत. त्यामुळे काही वेळातच ते आता लग्नबांधनात अडकताना दिसणार आहेत. रुपाली झनकर हिने लग्नाची वाईफ वेडिंगची बायकू या मालिकेत काजलची भूमिका निभावली होती. मालिकेनिमित्त हे सर्व कलाकार नाशिकलाच काही काळ एकत्रित राहिले होते. रुपाली झनकार ही मूळची नाशिकचीच. फॅशन जगतात रुपालीने अनेक नवख्या कलाकारांना संधी मिळवून दिली आहे. त्यामुळे कलाक्षेत्रात तिची स्वतःची एक वेगळी ओळख आहे.