Breaking News
Home / जरा हटके / ​हृता आणि प्रतीक यांचे थाटात पार पडले लग्न.. कलाकारांनी हजेरी लावून दिल्या शुभेच्छा

​हृता आणि प्रतीक यांचे थाटात पार पडले लग्न.. कलाकारांनी हजेरी लावून दिल्या शुभेच्छा

फुलपाखरू, मन उडू उडू झालं अशा मोजक्याच मालिका साकारून हृता दुर्गुळेने आपल्या सहज सुंदर अभिनयाने एक स्वतंत्र चाहतावर्ग निर्माण केले आहे. इन्स्टाग्रामवर सर्वाधिक फॉलोअर्स असणारी मराठी अभिनेत्री म्हणून हृताने मान पटकावला आहे. तरुणांची क्रश असलेली लोकप्रिय अभिनेत्री हृता दुर्गुळे आणि दिग्दर्शक प्रतीक शाह यांचा आज १८ मे २०२२ रोजी विवाह संपन्न झाला आहे. कुठलाही गाजावाजा न करता हृता आणि प्रतीक यांनी मोजक्या मित्रमंडळींना आमंत्रित करून हा लग्नाचा सोहळा साजरा केला आहे. हृता आणि प्रतिकच्या लग्नसोहळ्याचे काही खास फोटो सोशल मीडियावर व्हायरल होत आहेत.

hruta durgule wedding
hruta durgule wedding

लग्नाच्या या मंगल प्रसंगी या दोघांवर चाहत्यांनी अभिनंदनाचा वर्षाव केला आहे. हृताच्या लग्नसोहळ्यात सोनेरी पिवळ्या रंगाची साडी परिधान केलेली पाहायला मिळाली. या साडीमध्ये हृताचा लूक अधिकच खुलून दिसत आहे. तर प्रतिकने सफेद रंगाच्या ड्रेसला प्राधान्य दिलेले पाहायला मिळाले. हृता आणि प्रतीक यांचा लग्नाचा सोहळा अतिशय थाटात पार आहे. हृताने गळ्यात मंगळसूत्र घातलेला एक फोटो सोशल मीडियावर चांगलीच पसंती मिळवत आहे. मन उडू उडू झालं या मालिकेतील कलाकारांनी हृताच्या लग्नाला हजेरी लावली होती. ऋतुराज फडके तसेच रिना अगरवाल हे कलाकार नटून थटून हृताच्या लग्नात पाहायला मिळाले.

hruta durgule prateek shah
hruta durgule prateek shah

प्रतीक शाह हा हिंदी मालिका दिग्दर्शक आहे. तसेच त्याची आई देखील मराठी तसेच हिंदी मालिका चित्रपट सृष्टीतील अभिनेत्री म्हणून ओळखली जाते. त्यामुळे त्यांच्या लग्नाला हिंदी मालिका सृष्टीतील अनेक प्रसिद्ध कलाकारांनी हजेरी लावली होती. काही दिवसांपूर्वीच हृता दादा एक गुड न्यूज आहे या नाटकाच्या दौऱ्यानिमित्त दुबईला गेली होती. नाटकाच्या दौऱ्याहून परतल्यावर तिने प्रतीक सोबत लग्न करून आपल्या नव्या आयुष्याला सुरुवात केलेली पाहायला मिळते आहे. त्यामुळे काही दिवसांसाठी तरी हृता आता मन उडू उडू झालं या मालिकेतून ब्रेक घेत असल्याचे निश्चित झालेले आहे. तूर्तास हृता दुर्गुळे आणि प्रतीक शाह या नवविवाहित दाम्पत्याचे मनःपूर्वक अभिनंदन.

About Priyanka Joshi

प्रियंका तंत्रज्ञान, डिझाइनर आणि पुण्यातील लेखिका आहे. प्रोफेशनल आणि वाचकांना आवडणारी वेबसाइट बनविण्यात तिचा हातखंडा आहे. परदर्शी न्यूज मधील हरहुन्नरी सहकाऱ्यांसोबत काम करते.

Leave a Reply

Your email address will not be published.

This site uses Akismet to reduce spam. Learn how your comment data is processed.