या प्रसिद्ध अभिनेत्रीचा थाटात पार पडला साखरपुडा.. पहा खास फोटो

झी मराठी वाहिनीवरील तुझ्या माझ्या संसाराला आणि काय हवं या मालिकेतील अभिनेत्रीचा नुकताच साखरपुडा पार पडला आहे. नुकत्याच पार पडलेल्या साखरपुड्याचे काही खास फोटो सोशल मीडियावर तिने शेअर केले आहेत. रविवारी ३ एप्रिल रोजी अमृता पवार आणि निल पाटील यांचा साखरपुडा पार पडला. ‘My person, for life’ असे म्हणत तिने या सोहळ्याचे खास फोटो इन्स्टग्राम अकाउंटवरून शेअर केले आहेत. अमृताने ज्याच्याशी साखरपुडा केला तो निल पाटील बायोमेडिकल इंजिनिअर आहे. लवकरच हे दोघेही लग्न करणार असल्याचे बोलले जाते.

तुझ्या माझ्या संसाराला आणि काय हवं या मालिकेत अमृता पवार हिने आदितीची मध्यवर्ती भूमिका साकारली आहे. आपल्या आई वडिलांच्या कटकारस्थानाचा बळी ठरलेल्या आदीतीला नवऱ्याची देखील साथ  मिळत नसल्याने तिचा हा प्रवास खडतर दाखवण्यात आला आहे. मात्र यातूनही सकारात्मक विचार ठेवून आदिती यशाच्या मार्गाकडे झेप घेताना दिसत आहे. या मालिके अगोदर अमृताने स्वराज्यजननी जिजामाता या मालिकेत जिजाऊंची भूमिका साकारली होती. मालिका लीप घेत असल्या कारणाने अमृताने साकारलेल्या जिजाबाईंचे पात्र भार्गवी चिरमुले हिच्याकडे सुपूर्त करण्यात आले होते.

दुहेरी या मालिकेतून अमृताने प्रथमच छोट्या पडद्यावर पदार्पण केले होते. यात तिने नेहाची भूमिका साकारली होती. ललित २०५ या मालिकेत अमृताने भैरवीचे पात्र साकारले होते. सीनीअर सिटीझन हा तिने अभिनित केलेला पहिला चित्रपट. छोट्या छोट्या भूमिकेतून दिसणाऱ्या अमृताला, स्वराज्यजननी जिजामाता,  तुझ्या माझ्या संसाराला आणि काय हवं या मालिकेत मध्यवर्ती भूमिका साकारण्याची संधी मिळत गेली. आपल्या सहजसुंदर अभिनयाने तिने प्रेक्षकांच्या मनात जागा निर्माण केली. साखरपुड्यानिमित्त अमृता पवार आणि निल पाटील यांचे खूप खूप अभिनंदन!